طلاق کے بعد بھی عامر خان کو ہے کرن راو سے خاص لگاو، کہا-وہ-میں ہمیشہ ایک فیملی رہیں گے

عامر خان (Aamir Khan) ان دنوں اپنی موسٹ اویٹیڈ فلم ’لال سنگھ چڈھا‘ (Laal Singh Chaddha) کی وجہ سے سرخیوں میں ہیں۔ آج (3 اگست) کو وہ کرن جوہر (Karan Johar) کے شو کافی ودھ کرن سیزن 7، (Koffee With Karan 7) میں اپنی کو اسٹار کرینہ کپور خان (Kareena Kapoor Khan) کے ساتھ نظر آنے والے ہیں۔ اس دوران عامر خان اپنی سابق اہلیہ کرن راو کے ساتھ اپنے حالات کے بارے میں بات کرنے والے ہیں۔ شو کے پانچویں ایپیسوڈ میں عامر خان نے شیئر کیا کہ طلاق کے بعد بھی کرن راو اور رینا دتہ کے ساتھ ان کا رشتہ پیار اور احترام کا ہے۔

کافی ودھ کرن (Koffee With Karan) میں عامر خان (Aamir Khan) ایک بار پھر سے اپنی فیملی اور اپنی سابق اہلیہ کے ساتھ اپنے حالات اور تعلقات سے متعلق بات کرتے ہوئے نظر آئے۔ کرن جوہر کے ساتھ کھل کر بات چیت کے دوران، عامر خان نے شیئرکیا کہ ان کے رشتے میں کوئی ‘تلخ لمحہ‘ نہیں ہوسکتا ہے۔

اپنی دونوں سابقہ بیویوں کرن راو اور رینا دتہ کے بارے میں بات کرتے ہوئے انہوں نے کہا، میرے من میں ان دونوں کے لئے سب سے زیادہ احترام‘۔ ہم لوگ ہمیشہ فیملی ہی رہیں گے۔ عامر خان نے کرن راو کے ساتھ شادی کے بندھن میں بندھنے سے پہلے رینا دتہ سے شادی کی تھی۔