شہناز گل سے پہلے ان اداکاراؤں کو فلموں میں لانچ کرچکے ہیں سلمان خان، نہیں بنی پھر بھی بات

 ان دنوں سلمان خان(Salman Khan) سب سے زیادہ منتظر فلموں ٹائیگر 3 اور(Tiger 3) کبھی عید کبھی دیوالی(Kabhi Eid Kabhi Diwali) میں مصروف ہیں۔ ٹائیگر 3 میں وہ ایک بار پھر کترینہ کیف(Katrina Kaif) کے ساتھ دھوم مچانے کے لیے تیار ہیں۔

بالی ووڈ اداکار سلمان خان کو سنیما کے سب سے بڑے اداکار کے طور پر جانا جاتا ہے۔ سلمان اپنی سخاوت کے لیے مشہور ہیں۔ سلمان ہمیشہ عام لوگوں کی مدد کرتے ہیں۔ اس کے علاوہ انہوں نے کئی اداکاراؤں کو بھی فلموں میں لانچ کیا ہے۔ انہوں نے زرین خان، اسنیہا اُلال، انیتا ہسنندانی، اتھیا شیٹی سے لے کر سورج پنچولی تک کئی اور اداکاروں کو بالی ووڈ میں لانچ کیا۔ ان سب کے علاوہ سلمان اب بگ باس فیم شہناز گل کو بھی فلم میں لانچ کر رہے ہیں۔

انٹرٹینمنٹ کی دنیا میں پنجاب کی کترینہ کے نام سے مشہور شہناز گل آئے روز سوشل میڈیا پر اپنی تصاویر لگا کر بجلی گراتی رہتی ہیں۔ بگ باس سے لائم لائٹ میں آنے والی شہناز گل کو سلمان خان نے بالی ووڈ میں کام کرنے کا بڑا موقع دیا ہے۔ جی ہاں، وہ سلمان خان کی فلم کبھی عید کبھی دیوالی میں نظر آنے والی ہیں۔

زرین خان کو سلمان خان نے اپنی فلم ویر میں مرکزی اداکارہ کے طور پر کاسٹ کیا تھا۔ اگرچہ زرین خان بالی ووڈ میں کچھ خاص نہیں کر سکیں۔ انہوں نے صرف چند فلموں میں اداکاری کی۔ اس کے بعد وہ فلمی پردے سے تقریباً غائب ہوگئیں ہیں۔

سنیہا اُلال نے جب ہندی فلم انڈسٹری میں قدم رکھا تو وہ دوسری ایشوریہ رائے کے طور پر فلمی گلیاروں میں مشہور ہوئیں۔ سلمان خان نے اسنیہا کو فلم لکی: نو ٹائم فار لو سے بریک دیا۔ اس کے بعد انہوں نے کچھ اور فلمیں کیں لیکن ان کا جادو شائقین پر نہ چل سکا۔

مشہور ٹی وی اداکارہ انیتا ہسنندانی سلمان خان کے بہت قریب رہ چکی ہیں۔ اس قربت کی وجہ سے سلمان نے انہیں اپنی ہوم پروڈکشن فلم ہیرو میں کام کرنے کا موقع دیا۔ یہ فلم اتھیا شیٹی اور سورج پنچولی کی بھی پہلی فلم تھی۔ اس فلم کے بعد انیتا ہسنندانی نے کچھ خاص نہیں کیا۔ اسی فلم سے سلمان نے اتھیا اور سورج پنچولی کو لانچ کیا تھا۔