شادی سے متعلق سوال پر سونم نےکرینہ اور شاہد کولپیٹ لیا

فلم ویر دی ویڈنگ کی لانچ میں سونم کپور سے شادی کے بعد کام جاری رکھنے کے سوال پر سونم کپور پھٹ پڑیں،کرینہ اور شاہد کپور کی مثال دے کر پوچھنے والے کا منہ بند کر دیا۔معروف بالی وڈ اسٹار انیل کپور –> کی صاحبزادی سونم کپورکی شادی کی خبریں میڈیا پر گردش کرتی نظر آرہی ہیں۔رواں ماہ اپنے قریبی دوست اور دہلی کے بزنس مین آنند آہوجا کے ساتھ ان کی شادی کے چرچے ہیں۔ان کی شادی کے حوالے سے تازہ خبر یہ سننے میں آرہی ہے کہ وہ شادی کے بعد ہندوستان چھوڑ دیں گی اور اپنے شوہر کے ساتھ مستقل طور پر لندن میں رہائش اختیار کریں گے۔فلم ویر دی شادی کا ٹریلر لانچ کی تقریب میں سونم کپور سے سوال کیا گیا کہ کیا شادی کے بعد وہ کام جاری رکھیں گی ؟اس پر سونم کہور نے نہایت ہی تپ کر جواب دیا کہ ہمارے معاشرے سے یہ صنفی امتیاز کبھی ختم نہیں ہو گا،عورتوں سے نفرت کے اس مائند سیٹ کا خاتمہ ہونا چاہئے۔

انہوں نے ساتھ بیٹھی بالی وڈ اسٹارکرینہ کپور کی مثال دیتے ہوئے کہا کہ کرینہ نے بھی تو شادی کے بعد اداکاری جاری رکھی یہاں تک کے جب وہ حاملہ ہوئیں اور اب ایک بچے کے بعد بھی وہ سیٹ پر نظر آتی ہیں۔انہوں نے مزید کہا کہ کیا شاہد کپور سے بھی کسی نے یہ سوال پوچھا تھا؟ انہوں نے غصے میں کہا کہ کوئی یہ سوال کسی مرد سے نہیں کرتا۔اس موقع پر کرینہ نے بھی سونم کا ساتھ دیتے ہوئے کہا کہ جب میں نےفلم ’کی اینڈ کا‘ سائن کی تو میں امید سے نہیں تھی مگر جب فلم پر کام شروع ہوا تو میں امید سے ہو گئی۔اس وقت میرے شوہر نے میرا بھرپور ساتھ دیا ۔فلم ’ویر دی ویڈنگ‘ کی کہانی لڑکے اور لڑکی کے درمیان روایتی محبت کی کہانی پر مبنی نہیں ہے بلکہ یہ ایک منفرد کہانی پر مبنی فلم ہے جس کی وجہ سے سونم کپور کو بہت امیدیں وابستہ ہیں۔انہوں نے کہا کہ مجھے نہیں لگتا کہ ایسی فلم پہلے کبھی بنی ہوگی۔اداکارہ شادی کریں گی، جس سے ان کے گزشتہ چند سال سے تعلقات قائم ہیں۔تاحال اداکارہ کے خاندان نے سونم کپور کی شادی کی تصدیق نہیں کی، تاہم خبریں ہیں کہ ان کی شادی کی تیاریاں زوروں پر ہیں۔اب ان کی شادی کے حوالے سے تازہ خبر یہ ہے کہ وہ شادی کے بعد ہندوستان چھوڑ دیں گی۔فلم فیئر کے مطابق اداکارہ کے قریبی ذرائع کا کہنا ہے کہ شادی کے بعد سونم کپور اور ان کے شوہر مستقل طور پر لندن میں رہائش اختیار کریں گے۔قریبی ذرائع نے دعویٰ کیا کہ جوڑے نے ممبئی کو چھوڑنے اور لندن میں رہائش اختیار کرنے کی مکمل منصوبہ بندی کرتے ہوئے وہاں ذاتی فلیٹ بھی خرید لیا ہے