’سنجو‘ آج سے سینما گھروں میں نمائش کیلئے پیش کی جائے گی
بالی ووڈکے نوجوان اداکار رنبیر کپور کی نئی آنے والی فلم ’سنجو‘ کے مداحوں کا انتظار بس ختم ہونے کو ہے۔
بالی ووڈ کے نامور اداکار سنجے دت کی زندگی پر مبنی فلم سنجو آج سے سینما گھروں میں تہلکہ مچانے آرہی ہے۔
بھارتی میڈیا رپورٹس کے مطابق فلم سنجو اپنی ریلیز کے پہلے روز تیس کروڑ سے زائد کا بزنس کر سکتی ہے جبکہ کھڑکی توڑ بکنگ کا آغاز پہلے ہی ہو چکا ہے اور فلمی پنڈتوں کی جانب سے یہ قیاس آرائیاں بھی جاری ہیں کہ رنبیر کپور کی فلم سنجو سلمان خان کی ‘ریس تھری کے تمام ریکارڈ توڑدیگی۔
دوسری جانب بھارتی سینسر بورڈ نے فلم سنجو میں جیل کا ایک ایم سین کاٹنے کا حکم دیدیا ہے۔
راج کمار ہیرانی کی ہدایتکاری میں بننے والی فلم ‘سنجو میں رنبیر کپورمرکزی کردار یعنی سنجے دت کے روپ میں دکھائی دیں گے۔
فلم کی دیگر کاسٹ میں پاریش راول سمیت اداکارہ سونم کپور، منیشا کورالا اور اداکار وکی کوشال شامل ہیں۔