پریانکا چوپڑا سمیت ہالی وڈ اسٹارز کی شاہی شادی میں شرکت
بالی وڈ کی معروف اداکارہ پریانکا چوپڑا اور دیگر ہالی وڈ کی نامور شخصیات نے امریکی اداکارہ میگھن مارکل اور شہزادہ ہیری کی شادی میں بطور مہمان شرکت کی۔
شاہی شادی میں شرکت کے لیے ہالی وڈ اداکار جورج کیلونی، ایدرس ایلبا، اداکارہ اوپرا ونفرے اور دیگر نامور شخصیات شاہی محل پہنچے جہاں شادی کی رسومات ادا کی گئیں۔
چونکہ پریانکا چوپڑا ہالی وڈ میں بھی اداکاری کے جوہر دکھا رہی ہیں یہی وجہ ہے کہ ان کے متعدد ہالی وڈ دوست ہیں جن میں سے ایک اداکارہ میگھن مارکل بھی ہیں۔
پریانکا اور میگھن کی ملاقات 2016 میں لاس اینجلس میں ایک تقریب کے دوران ہوئی تھی، جس کے بعد ان دونوں کی دوستی ہوئی۔
. @priyankachopra arrives for the #RoyalWedding pic.twitter.com/rm1h8h7aSn
— Ramesh Bala (@rameshlaus) May 19, 2018
اداکارہ پریانکا چوپڑا نے بھی اپنی دوست کی شادی کی تقریب میں شرکت کی۔
پریانکا چوپڑا گزشتہ روز لندن پہنچیں اور اپنی تصاویر انسٹاگرام پر شیئر کیں، جس میں دیکھا جاسکتا ہے کہ وہ خود بھی شاہی شادی کے لیے کافی پر جوش ہیں۔
واضح رہے کہ میگھن مارکل کا ایک انٹرویو میں کہنا تھا کہ وہ کسی فلم میں پریانکا کے ساتھ کام ضرور کرنا چاہیں گی اور ان کا خواب ہے کہ وہ بالی وڈ فلم میں پریانکا کے ساتھ کام کریں کیونکہ اس میں وہ خوب مزہ کریں گی۔