پرینکا چوپڑا نے کی یوکرائنی پناہ گزین بچوں اور خواتین سے ملاقات، حالات سن کر ہو گئیں جذباتی

پرینکا چوپڑا نے لکھا، "براہ کرم ان لوگوں کی زندگیوں میں خوشیاں لانے کی کوشش کریں۔ یہ وہ لوگ ہیں جو اس جنگ سے براہ راست متاثر ہوئے ہیں۔” بچوں سے ملتے ہوئے پرینکا بھی جذباتی ہوگئیں۔

بالی ووڈ اداکارہ پرینکا چوپڑا تقریباً 15 سال سے یونیسیف سے جڑی ہیں۔ وہ اقوام متحدہ کے اس ادارے کے لیے سماجی بہبود کے لیے مسلسل کام کر رہی ہیں۔ پرینکا نے انسٹاگرام پر ایک ویڈیو شیئر کی ہے، جس میں وہ پولینڈ میں یونیسیف کے کنونشن سینٹر پہنچی اور یہاں یوکرین کے ایک پناہ گزین سے ملاقات کی۔

یوکرین کے یہ شہری روسی حملے کے درمیان پولینڈ میں پناہ گزینوں کے مرکز پہنچ گئے ہیں۔ یہاں ہر عمر کے لوگ ہیں۔ پرینکا نے یہاں سب سے ملاقات کی اور بچوں کے ساتھ کافی وقت گزارا۔

پرینکا نے یوکرین کی پناہ گزین خواتین سے ان کا حال جاننے کی کوشش کی اور انہیں تسلی بھی دی۔