پرینکا چوپڑا آخر26تاریخ کو کس بات کا اعلان کرنے والی ہیں، فینس تجسس میں

پرینکا چوپڑا جلد ہی روسو برادرز کی پروڈکشن، سیٹاڈیل(Citadel) میں نظر آئیں گی۔ وہ ہالی وڈ کی فلموں ‘اینڈنگ تھنگز’ اور ‘اٹز آل کمنگ بیک ٹو می’ میں بھی نظر آئیں گی۔ انہوں نے عالیہ بھٹ اور کترینہ کیف کے ساتھ بالی ووڈ فلم جی لے زرا بھی سائن کی ہے۔

بالی ووڈ کی دیسی گرل پریانکا چوپڑا(Priyanka Chopra) ایک بہترین اداکارہ کے ساتھ ایک اچھی انسان بھی ہیں۔ پرینکا اپنی ذاتی زندگی میں بہت مزاحیہ اور خوش مزاج ہیں۔ وہ کچھ نہ کچھ ایسا کرتی رہتی ہے جو زندگی میں سنسنی کو برقرار رکھتی ہے۔ اس وقت پریانکا کی ایک ویڈیو سوشل میڈیا پر تیزی سے وائرل ہو رہی ہے جس میں وہ باتھ روم کے شیشے پر کچھ لکھتی ہوئی نظر آ رہی ہیں۔

پریانکا چوپڑا اس ویڈیو میں مرر 26 اگست لکھتی نظر آرہی ہیں، جب کہ اس کے نیچے انہوں نے ایک اسمائلی ایموجی بھی بنایا ہے۔ اس ویڈیو کو دیکھنے کے بعد شائقین طرح طرح کی قیاس آرائیاں کر رہے ہیں۔ کوئی کہہ رہا ہے کہ اس دن پرینکا اپنی انگریزی ویب سیریز کا ٹیزر سامنے لائیں گی۔ تو کچھ لوگ یہ بھی کہہ رہے ہیں کہ پی سی اس دن اپنا ریسٹورنٹ کھولیں گی۔ اب پریانکا کے لیے یہ دن کیا خاص ہونے والا ہے، یہ تو معلوم ہی ہوگا لیکن اس ویڈیو کے بعد ان کے مداح کافی پرجوش ہیں۔