نو مسلم بھارتی اداکارہ کی افطاری کرتے ہوئے تصاویر سوشل میڈیا پر وائرل

بھارتی ڈرامہ انڈسٹری کی معروف اداکارہ دپیکا ککڑ کی ماہِ رمضان المبارک میں افطاری کی تصاویر سوشل میڈیا پر خوب وائرل ہوگئیں۔

بھارتی ٹی وی ڈرامے ‘سسرال سمر کا’ سے شہرت حاصل کرنے والی اداکارہ نے اس سال کے آغاز میں ہی ہندو ازم کو ترک کرکے اسلام قبول کیا تھا اور اپنے ساتھی اداکار شعیب ابراہیم سے شادی کی تھی۔

ڈرامہ انڈسٹری کی یہ اداکارہ شادی اور مذہب تبدیل کرنے کے بعد پہلا رمضان گزار رہی ہیں جس کی تصاویر نے سوشل میڈیا پر دھوم مچادی ہے۔ یہ تصاویر دپیکا کے شوہر شعیب ابراہیم کے انسٹاگرام اکاؤنٹ سے شیئر کی گئیں۔

ان تصاویر میں دیکھا جاسکتا ہے کہ دپیکا اپنے شوہر اور اہلخانہ کے ہمراہ دسترخوان پر بیٹھی کافی خوش نظر آرہی ہیں۔