نتاشا دلال سے چار مرتبہ ریجیکٹ ہونے پر بھی ورون دھون نے نہیں مانی ہار، پھر ایسے بنی بات

ورون دھون آج اپنا 35 واں یوم پیدائش منا رہے ہیں ۔ اس خاص موقع پر سلیبریٹیز اور فینس انہیں سالگرہ کی مبارکباد دے رہے ہیں ۔ یہ بات سبھی کو معلوم ہے کہ وران نے پچھلے سال اپنی لانگ ٹرم گرل فرینڈ نتاشا دلال سے شادی کی تھی ، لیکن دونوں کی لو اسٹوری کے بارے میں بہت کم لوگوں کو معلوم ہے ۔

ورون دھون اور نتاشا کی لو اسٹوری کسی فلم سے کم نہیں ہے ۔ نتاشا اور ورون ایک ہی اسکول میں پڑھتے تھے ۔ نتاشا کو دیکھتے ہی ورون کو پہلی نظر کا پیار ہوگیا تھا ۔

یہ انکشاف خود ورون دھون نے کرینہ کپور کے چیٹ شو وہاٹ وومین وانٹ میں کیا تھا ۔ اس شو میں ورون نے پہلی مرتبہ اپنی لو اسٹوری کے بارے کھل کر بات کی تھی ۔

نتاشا اور ورون مانیکزی کپور اسکول میں پڑھتے تھے ۔ یہیں پر دونوں پہلی مرتبہ ایک دوسرے سے ملے تھے ۔

شو میں ورون دھون نے بتایا کہ مجھے یاد ہے کہ جب میں پہلی مرتبہ نتاشا سے چھٹی جماعت میں ملا تھا ، ہم بارہویں جماعت تک بہت اچھے دوست تھے ۔
ورون نے بتایا : مجھے اب بھی یاد ہے جس لمحہ میں نے اس کو دیکھا تھا ، وہ ییلو ہاوس میں تھی اور ریڈ ہاوس میں تھا ۔ باسکیٹ بال کورٹ میں لنچ کے دوران وہ واک کررہی تھی ، جب میں نے اس کو دیکھا تو مجھے لگا کہ پیار ہوگیا ہے ۔

ورون کے مطابق حالانکہ میں تین چار مرتبہ ریجیکٹ بھی ہوا ہوں ، لیکن میں نے ہار نہیں مانی ۔ اس کو پانے کیلئے میں کوشش کرتا رہا ، میں نے امید نہیں چھوڑی ۔

آخر کار نتاشا کو احساس ہوا کہ ورون جتنا پیار انہیں کوئی نہیں کراسکتا ۔ اس کے بعد انہوں نے ورون کو ہاں کردیا ۔