میرے گھر میں11 مہینے سے غیر مرد کے ساتھ رہ رہی ہے، اداکار کرن مہرا نے بیوی پر لگایا الزام

 کرن مہرا نے ایک انٹرویو میں نشا راول کے بارے میں بات کرتے ہوئے کہا : ‘آج بھی میرے گھر میں ایک آدمی رہ رہا ہے۔ پچھلے 11 مہینوں سے وہ شخص میرے گھر میں رہ رہا ہے۔ وہ اپنی بیوی اور بچوں کو چھوڑ کر میرے گھر میں داخل ہوا ہے۔‘‘

ٹی وی اداکار کرن مہرا اور ان کی اہلیہ نشا راول کے درمیان جاری لڑائی سے سبھی واقف ہیں۔ اداکارہ نے اپنے شوہر پر گھریلو تشدد کا الزام لگایا تھا۔ دونوں کافی عرصے سے الگ رہ رہے ہیں۔ نشا راول نے ‘لاک اپ’ میں بھی کرن مہرا اور ان کی شادی شدہ زندگی سے وابستہ کئی راز سے پردہ اٹھایا تھا۔ ٹی وی کپل نے آپسی جھگڑے کے بعد راستے جدا کر لیے ہیں۔ نشا راول نے شوہر کرن مہرا پر بھی ایکسٹرا میریٹیل افیئر کا الزام لگایا تھا اور اپنے زخم دکھاتے ہوئے ان پر مار پیٹ کرنے کا الزام بھی لگایا تھا۔ اب حال ہی میں یہ رشتہ کیا کہلاتا ہے اداکار نے بیوی نشا پر بے وفائی کا الزام لگایا ہے ۔

کرن مہرا نے ایک انٹرویو میں نشا راول کے بارے میں بات کرتے ہوئے کہا : ‘آج بھی میرے گھر میں ایک آدمی رہ رہا ہے۔ پچھلے 11 مہینوں سے وہ شخص میرے گھر میں رہ رہا ہے۔ وہ اپنی بیوی اور بچوں کو چھوڑ کر میرے گھر میں داخل ہوا ہے۔‘‘ اداکار کا کہنا ہے کہ نشا راول نے اس شخص کے ساتھ مل کر اس کے گھر، گاڑی اور کاروبار پر قبضہ کر لیا ہے۔

اس کے ساتھ ہی کرن نے اپنے بیٹے کاوش کو یاد کرنے کی بھی بات کہی۔ وہ کہتے ہیں: ‘میں اپنے بیٹے کو بہت یاد کرتا ہوں۔ ایک باپ ہونے کے ناطے جب آپ اس سے بات نہیں کر پاتے ہیں تو یہ بہت مشکل ہو جاتا ہے۔ لیکن مجھے اپنے آپ کو سب سے برے دور کے لیے تیار کرنا ہے۔ جب بھی ملیں گے تو دیکھوں گا۔ میری پہلی ترجیح اپنے والدین اور بھائی کو اس سے نکالنا ہے۔ انہیں پیشگی ضمانت مل گئی ہے۔ ہائی کورٹ نے اس پر روک لگا دی ہے۔ اتنے بڑے الزامات کے باوجود یہ ایک بڑی جیت تھی’۔