کتنے پڑھے لکھے ہیں اکشے کمار، اجئے دیوگن اور سنجے دت؟ جانیے ان ستاروں کی تعلیمی قابلیت
اداکار سنجے دت، اکشے کمار، اجے دیوگن اور گووندا کئی دہائیوں سے سنیما کی دنیا میں سرگرم ہیں۔ اپنے مداحوں کو مضبوط کرداروں سے مسحور کرنےو الے ان ایکٹرس کی تعلیمی قابلیت کے بارے میں کیا آپ جانتے ہیں؟
اداکار سنجے دت، اکشے کمار، اجے دیوگن اور گووندا کئی دہائیوں سے سنیما کی دنیا میں سرگرم ہیں۔ اپنے مداحوں کو مضبوط کرداروں سے مسحور کرنےو الے ان ایکٹرس کی تعلیمی قابلیت کے بارے میں کیا آپ جانتے ہیں؟ آئیے اس آرٹیکل کے ذریعے جانتے ہیں ان کی تعلیمی قابلیت۔
الی ووڈ اداکار سنجے دت نے فلم راکی سے اپنے کیرئیر کا آغاز کیا جس کے بعد وہ انڈسٹری کے کامیاب اداکار بن گئے۔ سنجو بابا نے اپنی اسکول کی تعلیم دی لارنس اسکول، کسولی، ہماچل پردیش سے حاصل کی۔ حالانکہ وہ صرف 12ویں تک ہی پڑھ پائے۔
بالی ووڈ کے کھلاڑی اکشے کمار نے فلم سوگندھ سے ہندی سنیما میں قدم رکھا اور آج وہ اپنی محنت کے بل بوتے پر ایک کامیاب اداکار بن چکے ہیں۔ اکشے نے اپنی اسکولی تعلیم دارجلنگ کے ڈان باسکو ہائی اسکول سے کی اور اس کے بعد وہ اعلیٰ تعلیم کے لیے ممبئی کے گرو نانک خالصہ کالج گئے لیکن اپنی پڑھائی درمیان میں ہی چھوڑ دی۔
سنیما کی دنیا میں اپنے مختلف انداز اور سنجیدگی کے لیے جانے جانے والے اجے دیوگن آج ہندی فلم انڈسٹری کے چوٹی کے اداکاروں میں سے ایک ہیں۔ اجے نے اپنے فلمی سفر کا آغاز فلم پھول اور کانٹے سے کیا۔ انہوں نے اپنی اسکول کی تعلیم ممبئی کے سلور بیچ ہائی اسکول سے کی۔ انہوں نے میٹھی بائی کالج، ممبئی سے اپنا گریجویشن مکمل کیا۔
اپنی کامیڈی اور ڈانس سے شائقین کے درمیان ایک خاص جگہ بنانے والے مشہور اداکار گووندہ نے فلم الزام سے اپنے فلمی کرئیر کی شروعات کی تھی۔ پھر گووندہ دیکھتے ہی دیکھتے بالی ووڈ کے سوپر اسٹار بن گئے۔ گووندہ نے مہاراشٹر کے اننا صاحب ورتک کالج سے کامرس میں گریجویشن کیا ہے۔