کیارا اڈوانی نے گولڈن ٹیمپل پہنچ کر ماتھا ٹیکا، رام چرن کےساتھ کررہی ہیں فلم کی شوٹنگ

کیارا اڈوانی کے ورک فرنٹ کی بات کریں تو وہ جلد ہی انیس بزمی کی ہدایت کاری میں بننے والی ہارر کامیڈی فلم ‘بھول بھوللیا 2’ میں نظر آئیں گی۔ کیارا اس فلم میں اداکار کارتک آریان کے مدمقابل نظر آئیں گی۔ یہ فلم 2007 کی فلم بھول بھوللیا کا سیکوئل ہے جس میں اکشے کمار اور ودیا بالن نے اداکاری کی تھی۔

اداکارہ کیارا اڈوانی اپنی سرگرمیوں کو لے کر مداحوں میں بحث میں رہتی ہیں۔ وہ اکثر اپنی پیشہ ورانہ زندگی سے متعلق اپ ڈیٹس ان کے ساتھ سوشل میڈیا پر شیئر کرتی رہتی ہیں۔ اب ان کی ایک تصویر انٹرنیٹ پر وائرل ہو رہی ہے، جس میں کیارا گولڈن ٹیمپل کمپلیکس میں نظر آ رہی ہیں۔

خبر رساں ایجنسی اے این آئی کے مطابق اداکارہ اس وقت پنجاب میں اپنی آنے والی فلم ‘آر سی 15’ کی شوٹنگ میں مصروف ہیں۔ اس دوران وہ منگل کو سری ہرمندر صاحب (گولڈن ٹیمپل) کے درشن کرنے پہنچیں۔ جب کہ انہوں نے اپنے انسٹاگرام اکاؤنٹ پر جو تصاویر شیئر کی ہیں، ان تصاویر میں اداکارہ سفید رنگ کا سوٹ اور سر پر پیلے رنگ کا اسکارف پہنے نظر آرہی ہیں۔ تصاویر میں کیارا ہاتھ جوڑ کر گرودوارے کے سامنے جھکتی ہوئی نظر آ رہی ہیں۔ اداکارہ نے پوسٹ شیئر کرتے ہوئے بھگوان کا شکر ادا کیا اور کیپشن میں لکھا، ’شکر گزار۔‘