کارتک آرین کو شادی کیلئے ماں سے ملی خاص صلاح، بولے 3-4 سال تک کسی چیز پر دھیان نہیں دینا

شادی سے متعلق ایک سوال کا جواب دیتے ہوئے کارتک نے کہا کہ ان کے کئی سے ساتھی پیار میں ہیں اور شادی کر رہے ہیں لیکن ان کا ماننا ہے کہ انہیں اب اپنے کیریئر پر توجہ دینی چاہیے۔ اداکار نے یہ بھی انکشاف کیا کہ ان کی والدہ نے بھی انہیں گھر بسانے سے پہلے کام کرنے اور اگلے تین سے چار سال تک کسی اور چیز پر توجہ نہ دینے کا مشورہ دیا ہے۔

کارتک آریان ان دنوں اپنی تازہ ترین ریلیز ‘فریڈی’ کی کامیابی سے لطف اندوز ہو رہے ہیں۔ ان کی فلم کو ناظرین نے بہت پسند کیا تھا۔اب ‘فریڈی’ کی کامیابی کے درمیان کارتک نے اپنی شادی کی پلاننگ کے بارے میں بات کی۔ نیوز 18 کے ساتھ بات چیت میں، انہوں نے انکشاف کیا کہ وہ شادی کو لے کر خاندان کے کسی دباؤ میں نہیں ہیں۔ اس کے ساتھ انہوں نے کہا کہ انہیں اپنی والدہ کی طرف سے ایک خاص مشورہ ملا ہے جس کا تعلق شادی اور کیریئر سے ہے۔

آپ کو بتاتے چلیں کہ کارتک آرین کا نام حال ہی میں ہریتک روشن کی کزن پشمینہ روشن کے ساتھ جوڑا گیا تھا۔ سوشل میڈیا پر ایسی قیاس آرائیاں کی جا رہی تھیں کہ وہ پشمینہ کو ڈیٹ کر رہے ہیں۔ تاہم، بعد میں کارتک نے خود ہی ان خبروں کو افواہیں قرار دے کر ختم کردیا۔ حالانکہ اب بھی مداح اداکار کی ذاتی زندگی کے بارے میں کچھ نہ کچھ کہتے رہتے ہیں۔ ایسے میں اداکار نے خود نیوز 18 کو بتایا کہ ان کی توجہ صرف کام پر ہے۔ حالانکہ ان کے پاس محبت کے لیے کافی وقت ہے۔