جیکی شروف اور بیٹے ٹائیگر شروف کا نام بھی پینڈورا پیپرز میں شامل

دنیا بھر میں تہلکہ مچانے والے ’پینڈورا پیپرز‘ میں شامل 300 بھارتی افراد میں معروف بولی وڈ اداکار جیکی شروف، ان کا بیٹا ٹائیگر شروف اور بیٹی کرشنا شروف کے نام بھی شامل ہیں۔

کنسورشیم آف انویسٹیگیٹو جرنلسٹس (آئی سی آئی جے) نے پینڈورا پیپرز کے نام سے مالیاتی تحقیقاتی اسکینڈلز کی رپورٹس 3 اکتوبر کو شائع کی تھی، جس میں 90 ممالک اور علاقوں سے 330 سیاست دانوں سمیت کئی اداکاروں، کاروباری حضرات، اسپورٹس شخصیات کے علاوہ بیورو کریٹس، ججز اور فوجیوں کے نام بھی شامل ہیں۔

مذکورہ تحقیق تقریبا دو سال تک جاری رہی اور اس میں میں 117 ممالک کے 150 میڈیا آؤٹ لیٹس کے 600 صحافیوں نے حصہ لیا تھا۔

اسی تحقیق سے معلوم ہوا تھا بیرون ممالک آف شور کمپنیاں بنا کر مالی فوائد حاصل کرنے والے افراد میں 300 بھارتی لوگ بھی شامل ہیں اور ان میں جیکی شروف کا نام بھی شامل ہے۔

کے مطابق پینڈورا پیپرز سے معلوم ہوتا ہے کہ جیکی شروف نے اپنی ساس کی جانب سے نیوزی لینڈ میں بنائی گئی میڈیا کمپنی سے مالی فائدہ حاصل کیا۔

رپورٹ کے مطابق جیکی شروف کی اہلیہ عائشہ شروف کی والدہ نے 2005 میں برطانیہ کی ورجن آئی لینڈ کمپنی میں میڈیا کمپنی رجسٹرڈ کروائی جو نیوزی لینڈ میں تھی۔

پنیڈورا پیمپرز میں شامل تین سو بھارتیوں میں سچن ٹنڈولکر اور انیل امبانی بھی شامل ہیں

مذکورہ کمپنی سے براہ راست اور زیادہ مالی فائدہ حاصل کرنے والے افراد مین جیکی شروف کا نام نمایاں تھا جب کہ کمپنی سے فائدہ اٹھانے والے افراد میں اداکار کا بیٹا اور بیٹی بھی شامل تھے۔

نے بتایا کہ جیکی شروف کی ساس کی جانب سے رجسٹرڈ کروائی گئی کمپنی 8 سال بعد 2013 میں ختم ہوگئی۔ڈیلی بولیووڈ نیوز

مذکورہ کمپنی کے ریکارڈ سے معلوم ہوتا ہے کہ جیکی شروف، اس کے بیٹے بولی وڈ اداکار ٹائیگر شروف اور اس کی بہن کرشنا شروف نے براہ راست مالی فائدہ اٹھایا۔

جیکی شروف نے بیٹے اور بیٹی کے ہمراہ نیوزی لینڈ میں بنائی گئی کمپنی سے مالی فائدہ اٹھانے کے لیے یورپی ملک سوئٹزرلینڈ میں بینک اکاؤنٹ کھلوا رکھا تھا، جس کے ذریعے انہیں پیسے ملتے رہے۔

پینڈورا پیپرز میں اپنا نام آنے پر تاحال جیکی شروف یا ٹائیگر شروف نے کوئی وضاحت جاری نہیں کی ہے جب کہ بھارت میں ان سمیت سچن ٹنڈولکر اور انیل امبانی جیسی شخصیات پر اسکینڈل میں نام آنے پر تنقید کی بھی جا رہی ہے۔

پینڈورا پیپرز میں اگرچہ جیکی شروف کے علاوہ بعض یورپی و امریکی شوبز شخصیات سمیت دیگر ممالک کی فلم و ڈراما انڈسٹریز کی شخصیات کے نام بھی سامنے آئے ہیں، تاہم تاحال کسی پاکستانی شوبز شخصیت کا نام سامنے نہیں آیا۔