فلم ‘رستم’ کاسٹیوم تنازع: اکشے کمار اہلیہ ٹوئنکل کی حمایت میں بول پڑے

بالی وڈ کے معروف اداکار اکشے کمار  فلم ‘رستم’ میں پہنی گئی بھارتی بحریہ کی وردی کی نیلامی کے اعلان پر ہونے والی تنقید پر اہلیہ ٹوئنکل کھنہ کی حمایت میں بول پڑے۔

واضح رہے کہ کچھ روز قبل ٹوئنکل کھنہ اور اکشے کمار نے فلم ’رستم‘ میں پہنی گئی بھارتی بحریہ کی وردی نیلام کرنے کا سوشل میڈیا پر اعلان کیا تھا جس پر ٹوئنکل کھنہ کو شدید تنقید کا سامنا کرنا پڑا۔

اس جوڑے کا کہنا تھا کہ وردی کی نیلامی کا مقصد اس سے وصول ہونے والے پیسوں کو جانوروں کے تحفظ پر خرچ کرنا ہے۔

Hi all ??‍♂️ I’m thrilled to announce that you can bid to win the actual naval officer uniform I wore in Rustom! Auction’s proceeds will support the cause of animal rescue and welfare. Place your bid at https://t.co/6Qr0LRnTFm! pic.twitter.com/FF23tlogs1

— Akshay Kumar (@akshaykumar) April 26, 2018

Using all the goodwill I have left to raise money for a good cause 🙂 Do bid folks! And thank you @karanjohar @iHrithik @sonamakapoor and of course @akshaykumar for giving all this fab stuff to @SaltScout https://t.co/YxIobTNS8D

— Twinkle Khanna (@mrsfunnybones) April 26, 2018

بھارتی نیوز ویب سائٹ ہندوستان ٹائمز کی رپورٹ کے مطابق گزشتہ روز اکشے کمار نے ایک تقریب میں شرکت کی جہاں بھارتی میڈیا نے ان کی اہلیہ پر ہونے والی تنقید کے حوالے سے سوال کیا۔

جس پر اکشے نے جواب دیا، ’میں اپنی بیوی کو سپورٹ کرتا ہوں، وہ فلم کا کاسٹیوم ہے جسے ایک اچھے مقصد کے لیے نیلام کیا جارہا ہے اور ہم نے اس اعلان کی وجہ بھی واضح کی تھی’۔

ان کا مزید کہنا تھا کہ ‘مجھے نہیں لگتا کہ میں نے یا میری بیوی نے کچھ غلط کیا ہے، اگر اس سے کسی کو کوئی مسئلہ ہے تو میں کچھ نہیں کر سکتا‘۔

واضح رہے کہ ٹوئنکل اور اکشے کمار کے اس مقصد کو ریتھک روشن، سونم کپور اور فلم ساز و ہدایت کار کرن جوہر بھی سپورٹ کر رہے ہیں۔

اگست 2016 میں ریلیز ہونے والے فلم ‘رستم’ میں اکشے کمار، ایشا گپتا اور الینا ڈی کروز نے مرکزی کردار ادا کیے تھے، اس فلم میں بہترین اداکاری پر اکشے کو نیشنل ایوارڈ سے بھی نوازا گیا تھا۔