فرح خان نے کرن جوہر کو دیا بڑا چیلنج، کیا فلم میکر چیلنج مکمل کرپائیں گے؟

خطرہ خطرہ کے نئے پرومو کے مطابق اس سیزن میں بھی بھارتی سنگھ اور ہرش لمباچیا شو کی میزبانی کرتے نظر آئیں گے۔ اس بار بگ باس سیزن 15 کے فرسٹ رنر اپ پرتیک سہجپال، کرن کندرا، نشانت بھٹ سمیت کئی مشہور شخصیات خطرہ خطرہ میں نظر آنے والے ہیں۔

فلمساز کرن جوہر اور فرح خان کا مزہ سوشل میڈیا سے لے کر ٹی وی ریئلٹی شوز تک نظر آتا ہے۔ فرح اکثر کرن کی ٹانگ کھینچتی نظر آتی ہیں، دونوں کی بانڈنگ پوری فلم انڈسٹری میں مشہور ہے۔ فرح خان اور فلمساز کرن جوہر ریئلٹی شو خطرہ خطرہ کے سیزن 2 میں ایک ساتھ نظر آنے والے ہیں۔ شو کا پرومو سامنے آنے کے بعد فرح نے کرن جوہر کو بڑا چیلنج دے دیا ہے۔

فرح خان نے کرن جوہر کو چیلنج کرتے ہوئے کہا ہے کہ ایک بار وہ اپنے ڈیزائنر کپڑے چھوڑ کر 1 منٹ کے لیے عام کپڑے پہن کر آئیں اور وہ بھی بنا منہ بنائے۔ فرح خان نے اس کے ساتھ کہا ہے کہ کرن جوہر کے آوٹ آف دا ورلڈ کپڑے ان کے لیے خطرہ ہے۔ فرح نے کہا کہ کرن جوہر مزید شدید خطرے میں پڑنے والے ہیں۔ آپ کو بتاتے چلیں کہ فرح خان اکثر کرن جوہر کے کپڑوں کا مذاق اڑاتی نظر آتی ہیں۔