دیا مرزا اپنے یوم پیدائش پر لائیں گی 500 سے زیادہ فیملی کے چہرے پر خوشیاں

دیا مرزا (Dia Mirza Birthday Celebration) نے 9 دسمبر کو بے حد ہی شاندار طریقے سے اپنا یوم پیدائش سلیبریٹ کرنے کا فیصلہ کیا ہے۔ انہوں نے کہا کہ وہ اپنے یوم پیدائش سے لےکر آئندہ 40 دن ہر روز ایک ایک لاکھ روپئے عطیہ کریں گی۔

دیا مرزا (Dia Mirza Birthday) 9 دسمبر کو اپنے 40 ویں یوم پیدائش کا جشن منانے والی ہیں۔ اس یوم پیدائش کو وہ بے حد خاص انداز میں اور الگ طرح سے سیلبریٹ کریں گی۔ دیا مرزا اپنے 40 ویں یوم پیدائش کے موقع پر کورونا وائرس انفیکشن سے مرنے والے فورسٹ واریئرس یعنی جنگل کے محافظین کے فیملی کے لئے فائدہ مند پلان بنا رہی ہیں۔ یہ کسی سے چھپا نہیں ہے کہ دیا مرزا ماحولیات کو بچانے کی وکالت کرتی ہیں اور اس سے متعلق پروجیکٹ میں کیمپین کا حصہ بنتی ہیں۔ انہوں نے ایک فنڈرجنگ پلیٹ فارم ’ملاپ‘ کے ذریعہ بتایا کہ وہ اپنے 40 ویں یوم پیدائش پر 40 لاکھ روپئے عطیہ کریں گی۔

دیا مرزا (Dia Mirza Twitter) نے آج ایک ٹوئٹ کرکے اپنے اس وعدہ کے بارے میں بات کی۔ انہوں نے اپنے ٹوئٹ میں لکھا، ’اس سال میرے پوم پیدائش پر، میں ان سبھی سے گزارش کرتا چاہتا ہوں، جو مجھے گلدستے یا تحفہ بھیجنا چاہتے ہیں، اس کے بجائے ہمارے جنگل کے محافظین کی مدد کے لئے ڈبلیو ٹی آئی کو عطیہ کریں۔ یوم پیدائش کا اس سے اچھا تحفہ نہیں ہوسکتا۔ آپ کا تحفہ ہندوستان کے ’جنگل کے محافظ‘ کے سوگوار خاندانوں کی مدد کرے گا، جنہوں نے ہمارے قدرتی وراثت کی حفاظت کرتے ہوئے کووڈ-19 میں اپنی جان گنوائی۔

دیا مرزا نے مزید کہا، ’9 دسمبر کو اپنے 40 ویں یوم پیدائش سے شروعات کرتے ہوئے، آئندہ 40 دنوں تک، میں ہر دن ایک لاکھ روپئے عطیہ کروں گی اور امید کرتی ہوں کہ آپ سبھی (اپنی صلاحیت کے حساب سے یا میرے برابر یا اس سے زیادہ رقم میرے ساتھ تعاون) کریں گے۔ ہم اپنے اجتماعی اثر کو زیادہ سے زیادہ لوگوں کے درمیان پہنچانا چاہتے ہیں۔