دبنگ خان اور کرینہ کپور کے نئے تعلق کا انکشاف
ماضی کی خوبرو بولی وڈ اداکارہ کرشمہ کپور نے دبنگ خان کے ساتھ کئی فلموں میں اداکاری کی۔ حالیہ انٹرویو میں انہوں نے اپنے اور سلمان خان کے تعلق کے بارے میں اہم انکشاف کیا۔ اور بھی بتایا کہ وہ کرینہ کپور کو کیا سمجھتے ہیں۔
سلمان خان اور کرشمہ کپور نے 90 کی دہائی میں کئی فلموں میں ایک ساتھ کام کیا۔ بڑے پردے پر ان کی جوڑی کو بے حد پسند کیا جاتا تھا۔ ان دونوں اداکاروں نے بولی وڈ کو ‘انداز اپنا اپنا، بیوی نمبر ون، جیت، اور جڑواں’ جیسی سپر ہِٹ فلمیں دیں۔
دبنگ خان نہ صرف کرشمہ کپور بلکہ ان کی چھوٹی بہن کرینہ کے ساتھ بھی کام کرچکے ہیں۔ دونوں نے اب تک بلاک بسٹر فلم ‘بجرنگی بھائی جان اور باڈی گارڈ’ میں کام کیا ہے۔ تاہم کرشمہ کا کہنا ہے کہ وہ کرینہ کی نسبت سلمان خان کے زیادہ قریب ہیں۔
غیر ملکی میڈیا کی رپورٹس کے مطابق ایک ٹی وی شو میں بات کرتے ہوئے ان کا کہنا تھا کہ میں نے سلمان خان کے ساتھ بہت ہی اچھا وقت گزارا ہے اور ہمارے درمیان بہت طویل اور اچھے تعلقات رہے ہیں وہ میرے بہت زیادہ قریب ہیں جبکہ وہ کرینہ کو آج بھی بچی ہی سمجھتے ہیں اور اپنی چھوٹی بہن مانتے ہیں۔
جب کرشمہ سے مستقبل میں فلموں میں کام کرنے کے حوالے سے سوال کیا گیا تو ان کا کہنا تھا کہ ماضی میں انہوں نے ‘بیوی نمبر ون’ میں کام کیا تھا مگر اب اگر کوئی ‘ممی نمبر ون’ بنانا چاہے تو اس میں کام کرنا چاہوں گی کیونکہ میں اپنے بچوں سے بہت پیار کرتی ہوں اور لوگوں کو ماں کے پیار کے بارے میں بتانا چاہتی ہوں۔