دبنگ خان کی رہائی پر ارپیتا کی بھائی کے لئے جذباتی پوسٹ
حال ہی میں مشہور بولی وڈ سُپر اسٹار سلمان خان نے جودھ پور عدالت سے کالے ہرن کے شکار کیس میں 5 سال قید کی سزا پائی تھی۔ سخت سیکیورٹی کے ساتھ جودھپور جیل میں دو راتیں گزارنے کے بعد سلمان خان ضمانت پر رہا کر دیئے گئے۔
سلمان خان کی گھر واپسی پر ان کی بہت ارپیتا خان نے اپنے انسٹاگرام اکاؤنٹ پر اپنے بھائی کے نام ایک جذباتی پیغام لکھا۔
اس پیغام میں انہوں نے اپنے بھائی کو اپنی طاقت اور فخر کہتے ہوئے دعا دی ہے کہ خوشی اور کامیابی سے ان کی زندگی کی ساری پریشانیاں دور ہوجائیں اور وہ پہلے سے ذیادہ شہرت اور عزت پائیں۔
اس بات سے سب واقف ہیں کہ سلمان اپنی بہنوں ارپیتا اور الویرا سے کتنے قریب ہیں، اور دونوں ہی مشکل وقت میں سلمان کا ساتھ دینے سے پیچھے نہیں ہٹتیں۔ البتہ جیسے ہی سلمان خان ممبئی ایئرپورٹ سے باہر آئے تو سب سے پہلے ارپیتا کے بیٹےکے آحِل سے ملے۔ آحل اس وقت بھی سلمان کے پاس ہی تھے جب سلمان گھر واپسی کے بعد اپنے مداحوں کے سامنے آئے تھے۔