بھارتیوں کو دہشت گرد دکھانے پر پریانکا چوپڑا تنقید کی زد میں

پریانکا چوپڑا اس وقت اپنے شو کے تیسرے اور آخری سیزن کی شوٹنگ میں مصروف ہیں، جن کی ایک کے بعد ایک قسط بھی اے بی سی چینل پر نشر کی جارہی ہے۔

تاہم مداح حال ہی میں نشر کی گئی ایک قسط کے باعث پریانکا سے کافی ناراض دکھائی دیے۔

اس قسط میں چند بھارتی کرداروں کو امریکا کے ایک شہر میں حملہ کرنے کی منصوبہ بندی کرتے ہوئے دکھایا گیا، جو اپنے حملے کا ذمہ دار بعدازاں پاکستان کو ٹھرانے کا منصوبہ بھی کررہے ہیں۔

What the hell was this episode of #Quantico .. they tried to show ‘Indian nationalists’ (their term) trying to blow up Manhattan to frame Pakistan.. I don’t even know what sort of ridiculous narrative was this episode trying to set.. nonsensical stuff..

— Aadit Kapadia (@ask0704) June 3, 2018

شو میں یہ بھی دکھایا گیا کہ اداکارہ اپنی ایف بی آئی ٹیم کے ساتھ مل کر اس منصوبے کو ناکام بنا دیتی ہیں۔

اس قسط کے نشر ہونے کے بعد سوشل میڈیا پر بھارتی مداحوں نے پریانکا چوپڑا پر اس طرح کے شو میں کام کرنے پر انہیں شدید تنقید کا نشانہ بنایا۔

ایک صارف نے سوال کیا ’تو اب کوائینٹیکو کے مطابق بھارت ایک دہشت گرد ریاست ہے؟‘

انہوں نے پریانکا پر تنقید کرتے ہوئے کہا کہ وہ پیسوں کی خاطر اپنے ملک کو بھی نیچا دکھانے کی کوشش کررہی ہیں۔

I don’t follow #Quantico, and after seeing what @priyankachopra #Quantico has shown (India planning a Attack and blaming pkaistan).. are you serious??..
Do you even know what are you doing, just for the sake of money you are putting your selfishness your greed before nation

— Ayush Kothari (@kotharisaaheb) June 5, 2018

ان کے مطابق پریانکا چوپڑا نے اس طرح کے شو میں کام کرنے سے قبل کچھ سوچا ہی نہیں۔

تاہم چند صارفین نے اس بحث میں پریانکا کے حق میں بھی بات کی۔

ایک صارف نے کہا کہ ’یہ صرف ایک افسانوی کہانی ہے، ہم نے کتنی بار پاکستان کا نام بھی اپنی فلموں میں استعمال کیا ہے، اس شو میں چند بھارتیوں کو دہشت گرد دکھایا، پورے بھارت کو برا پیش نہیں کیا‘۔

خیال رہے کہ ’کوائینٹیکو‘ کا پہلا سیزن 2015 میں نشر ہوا، جس کے بعد اب تک اس کے تین سیزنز سامنے آچکے ہیں۔

اس شو کے لیے بولی وڈ اداکارہ کو دو مرتبہ پیپلز چوائس ایوارڈ سے بھی نوازا جاچکا ہے۔