بال بال بچی یہ بالی ووڈ اداکارہ، کئی دنوں سے چل رہی تھی فلم کی شوٹنگ

 گزشتہ کئی روز سے یوکرین میں حالات کافی خوفناک ہیں اور روس نے کئی شہروں پر قبضہ کرلیا ہے ۔ تاہم اس درمیان بالی ووڈ کی ایک اداکارہ پھنستے پھنستے بال بال بچ گئی ۔ اگر وہ صحیح وقت پر صحیح قدم نہیں اٹھاتی تو وہ بھی اس جنگ کی زد میں آسکتی تھی ۔

یوکرین کیلئے 24 فروری کا دن کافی خوفناک اور ڈراونا ثابت ہوا ۔ بم کے دھماکوں سے یوکرین کے شہریوں کی آنکھیں کھلیں ۔ وہیں اب گزشتہ کئی روز سے یوکرین میں حالات کافی خوفناک ہیں اور روس نے کئی شہروں پر قبضہ کرلیا ہے ۔ تاہم اس درمیان بالی ووڈ کی ایک اداکارہ پھنستے پھنستے بال بال بچ گئی ۔ اگر وہ صحیح وقت پر صحیح قدم نہیں اٹھاتی تو وہ بھی اس جنگ کی زد میں آسکتی تھی ۔

بالی ووڈ اداکارہ اروشی روتیلا (Urvashi Rautela) کی قسمت اچھی تھی کہ اس مرتبہ وہ بال بال بچ گئیں ۔ دراصل اروشی روتیلا کا 25 فروری کو یوم پیدائش تھا ، جس کی وجہ سے وہ اپنے کنبہ کے ساتھ پہلے سے پلان کئے گئے مالدیپ کے سفر پر چلی گئیں ، لیکن مالدیپ جانے سے دو دن پہلے تک وہ یوکرین میں ہی فلم کی شوٹنگ کررہی تھیں ، جہاں سے انہوں نے اپنا ویڈیو بھی شیئر کیا تھا ۔

ان دنوں یوکرین میں حالات کافی خوفناک ہیں ۔ ایسے اگر اروشی روتیلا وہاں سے چلی نہیں آتیں تو وہ بھی اس جنگ میں پھنس سکتی تھیں ۔ اروشی روتیلا اپنی آنے والی فلم دی لیجنڈ کی شوٹنگ یوکرین میں کررہی تھیں ۔ اس فلم سے اروشی روتیلا تمل فلم انڈسٹری میں ڈیبیو کرنے والی ہیں ۔