انوشکا شرما ’سنجو‘ میں کیا بننے جارہی ہیں؟
بولی وڈ اداکارہ انوشکا شرما نے ہدایت کار راج کمار ہیرانی کی فلم ’سنجو‘ میں ایک مختصر لیکن اہم کردار ادا کیا، جس کے انداز کا پہلا پوسٹر بھی ریلیز کردیا گیا ہے۔
انوشکا شرما کو اس فلم میں نہایت منفرد اسٹائل میں پیش کیا گیا، تاہم ابھی تک یہ نہیں بتایا گیا کہ وہ فلم ’سنجو‘ میں کس کا کردار نبھا رہی ہیں۔
And here is my dear friend Anushka. It’s a special appearance….but she worked on every nuance of the role for days together. Can anyone guess who she plays?….Will reveal tomorrow at the trailer launch. @AnushkaSharma #RanbirKapoor #RajkumarHiraniFilms @VVCFilms @foxstarhindi pic.twitter.com/NsWXhf3EmZ
— Rajkumar Hirani (@RajkumarHirani) May 29, 2018
راج کمار ہیرانی نے انوشکا شرما کے پوسٹر کو شیئر کرنے کے ساتھ مداحوں کو ان کے کردار کا اندازہ لگانے کو بھی کہا، جبکہ انہوں نے یہ بھی بتایا کہ وہ کل فلم کے ٹریلر ریلیز کے موقع پر ان کے کردار کا انکشاف کریں گے۔
اس پوسٹر میں انوشکا شرما کے ساتھ ساتھ رنبیر کپور بھی موجود ہیں، جو فلم سنجو میں سنجے دت کا مرکزی کردار ادا کرتے نظر آئیں گے۔
خیال رہے کہ فلم ’سنجو‘ سنجے دت کی زندگی پر مبنی فلم ہے، جس میں موجود کرداروں کے پوسٹرز راج کمار ہیرانی ایک کے بعد ایک کرکے شیئر کررہے ہیں۔
#sanju is a father-son story. Meet the father today – Paresh Rawal. Had fun working with him. #RanbirKapoor @VVCFilms @foxstarhindi @SirPareshRawal pic.twitter.com/GXWYaNBvm3
— Rajkumar Hirani (@RajkumarHirani) May 26, 2018
اس سے قبل وہ فلم سے رنبیر کپور سمیت پریش راول، سونم کپور، وکی کوشل اور اب انوشکا شرما کا پوسٹر شیئر کرچکے ہیں۔
ان کے علاوہ فلم میں دیا مرزا اور منیشا کوئرالا بھی اہم کرداروں میں نظر آئیں گی، جن کے پوسٹرز اب تک سامنے نہیں آئے۔
A still from #Sanju‘s crazy romantic love life! #SanjuTrailer out in 5 days on May 30th. #RanbirKapoor @VVCFilms @foxstarhindi @sonamakapoor pic.twitter.com/1ZE0Sa1oo7
— Rajkumar Hirani (@RajkumarHirani) May 25, 2018
خیال رہے کہ انوشکا شرما راج کمار ہیرانی کے ساتھ فلم ’پی کے‘ میں کام کرچکی ہیں، جس نے ریلیز کے بعد کئی ریکارڈز توڑے۔
دلچسپ بات یہ ہے کہ فلم ’پی کے‘ میں رنبیر کپور اور سنجے دت دونوں نے ہی مختصر کردار ادا کیے تھے۔
فلم ’سنجو‘ رواں سال 29 جون کو سینما گھروں میں پیش کی جائے گی۔