اکشے کی ’ٹوائلٹ:ایک پریم کتھا‘ چین میں بھی ریلیز ہو گی
بالی ووڈ کے کھلاڑی اکشے کمار کی فلم ’ٹوائلٹ:اک پریم کتھا‘ کو چین میں بھی ریلیز کرنے کی تیاریاں مکمل کرلی گئی ہیں۔
بالی ووڈ ایکشن ہیرو اکشے کمار کی فلم ’ٹوائلٹ:اک پریم کتھا‘ بھارت میں بیت الخلاؤں کی قلت کے موضوع پر بنائی گئی ہے جبکہ فلم کو معاشی مسائل کو اجاگر کرنے پر دنیا بھر سے خوب پزیرائی ملی اور منفرد کہانی کی بدولت فلم نے 100 کروڑ روپے سے زائد کا بزنس کیا تھا اور اب فلم کی کہانی کو مدنظر رکھتے ہوئے چین میں ریلیز کرنے کا فیصلہ کیا گیا ہے۔
فلمی تجزیہ کار ترن ادرش نے بھی سماجی رابطے کی ویب سائٹ ٹوئٹر پر فلم کا پوسٹر جاری کرتے ہوئے تصدیق کی کہ فلم ’ ’ٹوائلٹ:اک پریم کتھا‘ 8 جون 2018 میں چین بھر میں ریلیز کی جائے گی۔
IT’S CONFIRMED… #ToiletEkPremKatha to release in China on 8 June 2018… Titled #ToiletHero for the local audiences… Here’s the OFFICIAL POSTER for China… #TEPK pic.twitter.com/VlQFufXN3Q
— taran adarsh (@taran_adarsh) June 1, 2018
’ٹوائلٹ؛ ایک پریم کھتا‘ کی کہانی ہندوستان میں ٹوائلٹس کی کمی پر مبنی ہے جس میں اکشے کمار کے ساتھ بھومی پڈنیکر نے مرکزی کردار ادا کیا ہے جب کہ فلم 11 اگست کو سینما گھروں میں ریلیز کیا گیا تھا۔