ایشوریا رائے کی بیٹی کے ہمراہ کانز فلم فیسٹیول میں شرکت
بالی وڈ اداکارہ اور سابق مس ورلڈ ایشوریا رائے بچن ایک بار پھر بیٹی ارادھیا کے ہمراہ کانز فلم فیسٹیول میں شریک ہیں۔
فرانس میں جاری کانز فلم فیسٹیول میں ایشوریا رائے بھارت لورئیول میک اپ برانڈ کی نمائندگی کر رہی ہیں۔
گزشتہ برس بھی ایشوریا رائے نے اپنی بیٹی ارادھیا کے ہمراہ فلم فیسٹیول میں شرکت کی، اس بار ریڈ کارپٹ میں جلوہ گر ہونے کے لیے ایشوریا بیٹی کے ساتھ آئیں اور چلتے چلتے اپنی شہزادی کو بھی گھمایا۔
انہوں نے اپنی بیٹی کے ساتھ مخلتف انداز سے تصاویر بھی بنوائیں جو سوشل میڈیا پر وائرل ہوچکی ہیں۔
ماؤں کے عالمی دن پر ایشوریا نے اپنی والدہ اور بیٹی کے ساتھ انسٹاگرام پر تصویر بھی شیئر کی ۔
واضح رہے کہ ایشوریا رائے کانز ریڈ کارپٹ پر اس سال بھی مختلف فیشن انداز میں جلوہ گر ہوئیں جسے بے حد پسند کیا جارہا ہے۔
Source
source