جھوٹی خبر پر بالآخر عاطف اسلم کا موقف سامنے آگیا

پاکستان کے معروف گلوکار عاطف اسلم نے یوم آزادی کے ایک میوزک کنسرٹ میں بھارتی گانا گانے کی خبروں کو جھوٹا قرار دے دیا۔

تفصیلات کے مطابق کچھ روز قبل ایک نجی ٹی وی چینل کی جانب سے ٹویٹر پر وائرل ہونے والی خبر کو نشر کیا گیا تھا جس کے اسکرین شاٹس صارفین نے شیئر کرنا شروع کردیئے اور عاطف اسلم پر بلاوجہ تنقید کا نشانہ بنانا شروع کردیا۔

Shamefull act by Atif Aslam. @itsaadee should apologize. pic.twitter.com/2YCEUO4BSJ

— Jahan Zaib Virk (@JahanVirk) August 8, 2018

کئی صارفین نے اس جھوٹی خبر پر عاطف اسلم کو برا بھلا کہا اور ان کی حب الوطنی پر سوالیہ نشان لگائے، اس کے علاوہ ان پر یہ الزام بھی عائد کیا گیا کہ انہیں اس عمل کے لئے بھاری معاوضہ دیا گیا ہے۔ سوشل میڈیا پر وائرل ہونے والی اس خبر میں یہ دعویٰ کیا گیا کہ عاطف اسلم امریکا کے شہر نیویارک میں پاکستانی کمیونٹی کی جانب سے منعقد کردہ کنسرٹ میں بھارتی گانا گایا۔ گلوکار پر یہ الزام بھی عائد کیا گیا کہ انہوں نے پاکستانی پرچم ہاتھ میں تھامنے سے انکار کردیا تھا۔

So basically Atif Aslam charged Rs. 8.2 million to sing Indian songs at an independence day event held by the Pakistani community in the United States? – No wonder people left in disgust. — Pakistan Defence (@defencedotpk) August 8, 2018

جہاں کئی صارفین کی جانب سے عاطف اسلم کو تنقید کا نشانہ بنایا جارہا تھا وہیں ان کے کئی سپورٹرز بھی میدان میں کود پڑے، انہوں نے عاطف کو ایک محب وطن پاکستانی قرار دیا اور کہا کہ یہاں ضرور کوئی غلط فہمی پیدا ہوگئی ہے، سپورٹرز کا کہنا تھا کہ پہلے اس معاملے پر عاطف اسلم کو خود جواب دینے دیں۔

Atif Aslam is a true patriot person as i know and i think there must be some misunderstanding so don’t spread bad rumours about him and make him clear first about the issue

— MoizHameed (@MoizHameed2) August 7, 2018

بنا سوچے سمجھے اور غیر ذمہ داری کا مظاہرہ کرتے ہوئے سوشل میڈیا صارفین کی جانب سے اس خبر کو پھیلانے پر عاطف اسلم نے بلآخر اپنا مؤقف پیش کردیا۔

#Nevergiveup Simply love my haters Bayshak Allah izzat denay aur rakhnay wala hai Sabz jhanda meri pehchan (cont) https://t.co/ZD7kbQA6lO

— Atif Aslam (@itsaadee) August 9, 2018

انہوں نے اپنے سوشل میڈیا اکاؤنٹ سے ایک ٹویٹ کیا جس میں ان کا کہنا تھا کہ ‘بے شک اللہ عزت دینے اور رکھنے والا ہے، سبز جھنڈا میری پہچان ہے’۔