بولی وڈ فلم من مرضیاں کا پہلا ٹریلر جاری

بولی وڈ ہدایتکار انوراگ کشپ کی آئندہ آنے والی رومانوی ڈرامہ فلم من مرضیاں کا پہلا آفیشل ٹریلر جاری کردیا گیا ہے۔

فلم میں ابھیشیک بچن، تاپسی پنوں اور وکی کوشل  مرکزہ کردار وں میں نظر آئیں گے۔

جمعرات کی صبح ابھیشیک بچن  نے ٹریلر آنے سے قبل ٹوئٹر پر شیئر کیا کہ وہ کتنے نروس ہیں۔ انہوں نے لکھا کہ من مرضیاں کا ٹریلر  ایک گھنٹے میں ریلیز ہونے جارہا ہے، بہت گھبراہٹ ہورہی ہے۔

ایسا پہلی بار ہورہا ہے کہ  ابھیشیک بچن پردے پر پگ باندھ کر جلوہ گر ہوں گے۔

پروڈیوسر آنند ایل رائے کا کہنا ہے کہ  فلم پیچیدہ مگر خوبصورت لواسٹوری ہے جو انسانی جذبات سے متعلقہ ہے۔

گزشتہ ماہ فلمسازوں نے فلم کے کچھ پوسٹر ریلیز کیے تھے۔

فلم 14ستمبرکو سنیماگھروں میں ریلیز کی جائے گی۔

Zee News بشکریہ