سلمان خان کا سنجے بنسالی کےساتھ 11 برس بعد بڑا پروجیکٹ

بالی وڈ کے معروف ہدایت کار سنجے لیلا بنسالی اور دبنگ ہیرو سلمان خان ایک بار بڑے پردے پرجلوہ گرہوں گے۔

بھارتی میڈیا رپورٹس کے مطابق بالی وڈ میں اپنی فلموں میں جاندارکہانی ڈالنے والے مشہور ہدایت کار سنجے لیلا اور بالی وڈ کے دبنگ خان 11 سال بعد ایک بار بڑے پردے پر نظر آئیں گے۔

رپورٹس کے مطابق بنسالی کا اداکارسلمان خان کے ساتھ یہ پروجیکٹ ان کی دیگرفلموں کی طرح بہت بڑا ہے، انہیں لگتا ہے کہ سلمان خان سے بہتروہ کردارکوئی ادا نہیں کرسکتا۔

رپورٹس میں فلم کی کہانی سے متعلق اورسلمان خان کے کردارکے بارے میں کچھ نہیں بتایا گیا ہے تاہم اس بات کی تصدیق کردی گئی ہے کہ دونوں ہی ’ہم دل دے چکے صنم‘ اور’سانوریا‘ کے بعد ایک اور پروجیکٹ میں نظر آنے والے ہیں۔

دوسری جانب باکس آفس کے لحاظ سے یہ سال بنسالی کے لیے بہترین ثابت ہورہا ہے کیونکہ ان کی آخری ریلیزہونے والی فلم ’پدماوتی‘ نے کھڑکی توڑ بزنس دیا ہے۔