سنجو کا بالی ووڈ فلم نگری میں سب سے بڑاپریمئر متوقع

بالی ووڈکے نوجوان اداکار رنبیر کپور کی نئی آنے والی فلم ’سنجو‘ کا مداحوں سمیت فلمی ستاروں کو بھی بے صبری سے انتظار ہے۔

بھارتی میڈیا رپورٹس کے مطابق بالی ووڈ کے نامور اداکار سنجے دت کی زندگی پر مبنی فلم سنجو کی ریلیز میں صرف تین دن باقی رہ گئے ہیں اور جس طرح فلم کا ٹریلر مداحوں اور فلم انڈسٹری کے ستاروں میں بیحد پسند کیا گیا اسی طرح فلم سنجو کا پرمیئر بھی بالی ووڈ فلم نگری میں سب سے بڑاپریمئر متوقع ہے جبکہ یہ قیاس آرائیاں بھی جاری ہیں کہرنبیر کپور کی فلم سنجو سلمان خان کی ‘ریس تھری کے تمام ریکارڈ توڑدیگی ۔

راج کمار ہیرانی کی ہدایتکاری میں بننے والی فلم ‘سنجو میں میں رنبیر کپورمرکزی کردار یعنی سنجے دت کے روپ میں دکھائی دیں گے۔

فلم کی دیگر کاسٹ میں پاریش راول سمیت اداکارہ سونم کپور، منیشا کورالا اور اداکار وکی کوشال شامل ہیں۔

واضح رہے فلم 29 جون کو سینما گھروں کی زینت بنے گی۔