عامر اور سلمان کے بعد اب اکشے کمار کی فلم بھی چین میں ریلیز ہوگی
بالی ووڈ کے کھلاڑی اکشے کمار کی سماجی مسائل پر مبنی فلم ’ٹوائلٹ:اک پریم کتھا‘ کو چین میں بھی ریلیز کرنے کی تیاریاں مکمل کرلی گئی ہیں۔
بھارتی میڈیا رپورٹس کے مطابق بالی ووڈ ایکشن ہیرو اکشے کمار کی فلم ’ٹوائلٹ:اک پریم کتھا‘ بھارت میں بیت الخلاؤں کی قلت کے موضوع پر بنائی گئی ہے جب کہ فلم کو معاشی مسائل کو اجاگر کرنے پر دنیا بھر سے خوب پزیرائی ملی اور منفرد کہانی کی بدولت فلم نے 100 کروڑ روپے سے زائد کا بزنس کیا تھا اور اب فلم کی کہانی کو مدنظر رکھتے ہوئے چین میں ریلیز کرنے کا فیصلہ کیا گیا ہے۔
IT’S CONFIRMED… #ToiletEkPremKatha to release in China on 8 June 2018… Titled #ToiletHero for the local audiences… Here’s the OFFICIAL POSTER for China… #TEPK pic.twitter.com/VlQFufXN3Q
— taran adarsh (@taran_adarsh) June 1, 2018
فلمی تجزیہ کار ترن ادرش نے بھی سماجی رابطے کی ویب سائٹ ٹوئٹر پر فلم کا پوسٹر جاری کرتے ہوئے تصدیق کی کہ فلم ’ ’ٹوائلٹ:اک پریم کتھا‘ 8 جون 2018 میں چین بھر میں ریلیز کی جائے گی جب کہ چین کے مقامی لوگوں کے لئے فلم کا ٹائٹل تبدیل کرکے ’ٹوئلٹ ہیرو‘ رکھا گیا ہے۔