سونم کپور کی رُخصتی ہو گئی
بالی وڈ اسٹار انیل کپور کی بیٹی اداکارہ سونم کپور اپنے قریبی دوست اور کاروباری شخصیت آنند آہوجا کی دلہنیا بن گئیں۔
سونم کپورکی اپنے دولہا کے ساتھ رُخصتی کی تصویر سوشل میڈیا کے ذریعے سامنے آ گئی ہے۔
ڈیزائنر انو رادھا وکیل کا تیار کردہ مگر روایتی لال جوڑے میں سونم دلکش نظر آرہی ہیں۔
آنند ہو جا دولہا بن کر کیسے لگ رہے ہیں یہ بھی دیکھئے
بھارتی میڈیاکے مطابق سونم کی شادی میں بالی وڈ اسٹارز کی آمد کا سلسلہ جاری ہے۔
مہمانوں میں میں امیتابھ بچن، ورون دھون، ارجن کپور، رانی مکھرجی، کرشمہ کپور، کرینہ کپور، سیف علی خان، ننھے تیمور، جیکولین فرنینڈز اور دیگر شامل ہیں۔
سونم کپور دوپہر کے کھانے کے بعد پیا دیس سدھاریں گیں اور پھر یہ نئی جوڑی شام کو ولیمے پرمہمانوں کی میزبانی کرے گی۔
واضح رہے کہ سونم کپور کی شادی ممبئی کے علاقے باندرا میں ان کے ایک قریبی رشتے دار کے گھر منعقد کی گئی ہے جو سکھ رسم و رواج کے تحت ہو رہی ہے۔