Daily Bollywood News
Your Daily Dose of Bollywood

سونم کپور کے سنگیت میں بالی وڈ اسٹارز کا شاندار رقص

بالی وڈ اداکارہ سونم کپور اور آنند آہوجا کی شادی کی تقریبات جاری ہیں اور دوست احباب سمیت بالی وڈ ستارے بھی شادی کی رسومات خوب انجوائے کر رہے ہیں۔

6 مئی کو سونم کپور کی مہندی کے بعد گذشتہ روز سنگیت کا انعقاد کیا گیا، جس کے لیے سفید رنگ کا ڈریس کوڈ منتخب کیا گیا تھا۔

دلہا دلہن سمیت تمام مہمان سفید رنگ کے روایتی ملبوسات میں نظر آئے اور سب نے مل کر خوب ہلا گلا کیا۔

بالی وڈ اسٹارز کرشمہ کپور، شلپا شیٹھی، رانی مکھرجی، ریکھا، کترینہ کیف، جیکولین فرنینڈز، آنجہانی سری دیوی کی صاحبزادی جھانوی کپور سمیت فلمساز کرن جوہر، اداکار ورون دھون، ارجن کپور اور دیگر نے سنگیت میں شرکت کی۔

سونم کپور کے والد و اداکار انیل کپور اس موقع پر خوشی سے نہال اور بھرپور جوش سے رقص کرتے نظر آئے۔

A post shared by BollywoodON (@bollywood_on) on

انیل کپور نے سنگیت میں کرن جوہر اور شلپا شیٹھی کے ساتھ ڈانس کرتے ہوئے خوب انجوائے کیا جس کی ویڈیوز سوشل میڈیا پر بھی وائرل ہوگئی ہے۔

A post shared by BollywoodON (@bollywood_on) on

سنگیت میں کلیرا کی رسم جھانوی کپور پر کی گئی لیکن وہ بچ گئیں، واضح رہے کہ کلیرا کی رسم کے حوالے سے کہا جاتا ہے کہ دلہن کے ہاتھ سے جس پر کلیرا گرتا ہے اس کی شادی جلد ہوتی ہے۔

سنگیت میں جیکولین فرنینڈز نے ورون دھون اور ارجن کپور کے ساتھ مزاحیہ پوز دیتے ہوئے سیلفیز اور ویڈیوز بھی بنائیں۔

مہمانوں کے ساتھ ساتھ دلہا دلہن نے بھی رقص کیا، جس کی ویڈیوز بھی سوشل میڈیا پر وائرل ہوگئی ہیں۔

A post shared by BollywoodON (@bollywood_on) on

خیال رہے کہ سونم کپور کی شادی آج دوپہر میں روایتی ہندو رسوم و رواج کے مطابق ہوگی۔

Source source
Leave A Reply

Your email address will not be published.