ممبئی: بالی ووڈ کے معروف اداکار رنویر سنگھ بچپن میں خود کو غریب بتانے پر سوشل میڈیا پر تنقید کا نشانہ بن گئے۔
بالی ووڈ کے شوخ مزاج اداکار رنویر سنگھ نے امریکا سے شائع ہونے والے ٹریول میگزین کو دیئے گئے انٹرویو میں بتایا کہ جب وہ چھوٹے تھے تو اُن کی فیملی کے پاس زیادہ پیسے نہیں ہوا کرتے تھے باوجود اُس کے بیرون ملک موسم گرما کی چھٹیوں کے لیے فیملی نے پیسے جمع کیے جب کہ مجھے آج بھی انڈونیشیا، سنگاپور، اٹلی اور سب سے زیادہ امریکا جانا یاد ہے اور دسمبر تو گوا میں دادا دادی کے ساتھ گزارنا ضروری سمجھتا تھا۔
اُن کے اس انٹر ویو کو جب سوشل میڈیا پر جاری کیا گیا تو لوگوں نے نہ صرف تنقید کا نشانہ بنایا بلکہ ’رنویر سنگھ سو پُور‘ کے نام سے ہیش ٹیگ مقبول ترین ٹرینڈ بھی بن گیا۔
#YoRanveerSoPoor that he couldnt afford business class tickets for a family holiday to USA. Had to travel in economy class along with other peasants.
— Od (@odshek) May 4, 2018
ایک شخص نے رنویر سنگھ کے ہیش ٹیگ کو واضح کرتے ہوئے لکھا کہ رنویر سنگھ اپنی فیملی کے ہمراہ امریکا میں چھٹیاں منانے کے لیے بزنس کلاس ٹکٹ خریدنے کی سکت نہیں رکھتے تھے لہذا وہ غریبوں اور کسانوں کے ساتھ اکنامی کلاس میں سفر کرتے تھے۔
#YoRanveerSoPoor
Oh god please make me as poor as Ranveer or even more!— Silvereye (@barbie_kriti) May 5, 2018
سلور آئی نامی اکاؤنٹ سے ٹوئٹ میں دعا کرتے ہوئے کہا کہ خدارا مجھے بھی رنویر سنگھ کی طرح غریب سے غریب تر انسان بنا دے۔
If making annual trips abroad in the 90s was the doings of the poor, we need new adjectives for the economic status of 65% of our country’s population. #YoRanveerSoPoor
— BeingAlien (@Vaga__bound) May 5, 2018
بینگ ایلین نے طنزیہ انداز میں کہا کہ اگر 90 کے عشرے میں کسی غریب شخص کا بیرون ملک سفر کرنا آسان کام تھا تو ہمیں اپنی 65 فیصد آبادی کے لیے معیشت کے تحت اصلاح واضح کرنی ہوگی۔
#YoRanveerSoPoor Definition: Garibi kya hai?
Ranveer: When tou can afford an Armaani suit. But you go for a Lehenga.— Bibhu Rout (@bibhurout88) May 6, 2018
بیبھو رؤٹ نے غربت کی تعریف بیان کرتے ہوئے کہا کہ رنویر سنگھ ارمانی کا سوٹ تو خرید سکتا ہے لیکن پہنتا لہنگا ہے۔
