سونم کپور سے شادی کیلئے آنند اہوجا ممبئی پہنچ گئے

معروف بولی وڈ اداکارہ سونم کپور کے ہونے والے شوہر آنند اہوجا شادی کے لئے ممبئی پہنچ گئے۔ جمعہ کی دوپہر انہیں چھتراپتی شیواجی انٹرنیشنل ایئرپورٹ ممبئی پر دیکھا گیا۔

سونم کپور اور آنند کی شادی میں اب صرف دو دن باقی رہ گئے ہیں اور اس سلسلے میں تیاریاں زور و شور سے جاری ہیں اور اب آنند ممبئی بھی پہنچ چکے ہیں۔

اطلاعات کے مطابق جب آنند ممبئی ایئرپورٹ پہنچے تو کیمرے وہاں پہلے سے ان کا انتظار کررہے تھے۔ جب وہ ایئر پورٹ سے نکلے تو کیمروں نے انہیں کلک کرنا شروع کردیا تاہم انہوں نے برا ماننے کی بجائے ہاتھ ہلایا اور فون پر بات کرتے ہوئے وہاں سے چلے گئے۔

شادی کو لے کر دونوں کی فیملیز سے متعلق کئی افواہیں سننے کو ملیں تاہم اب دونوں لَو برڈز بالآخر شادی کے بندھن میں بندھ ہی رہے ہیں۔ ان کی شادی کی تقریب 8 مئی کو ممبئی میں ہی منعقد کی جائے گی۔

اپنی بہن کی شادی سے متعلق جب ہرش وردھن کپور سے سوال پوچھا گیا تو ان کا کہنا تھا کہ ‘میں بہت خوش ہوں کہ وہ شادی کررہی ہیں، آنند ایک بہت اچھے انسان ہیں’۔