یو یو ہنی سنگھ بھی سجاد علی کے نئے گانے ’لگایا دل‘ کے دیوانے

پاکستان کے معروف گلوکار سجاد علی کے نئے گانے ’لگایا دل‘ کو پاکستان سمیت بھارت میں بھی خوب پزیرائی مل رہی ہے۔

مقبول بھارتی گلوکار یو یو ہنی سنگھ کو بھی اس گانے کی دھن اور لیرکس نے اپنا اسیر کرلیا اور انہوں نے اپنے جذبات کا اظہار ٹوئٹر پر کیا۔

انہوں نے اپنی ٹوئیٹ میں لکھا کہ ’سجاد علی کا ایک اور زبردست گانا، اس گانے کی شاعری سادہ لیکن اپنے اندر بہت گہرائی رکھتی ہے اور ساتھ میں آواز تو شاندار ہے ہی‘۔

یو یو ہنی سنگھ نے گانے میں سے اپنی پسندیدہ لائن ’زندگی میں پھر ہنسا نہیں‘ بھی لکھی اور اپنے مداحوں سے کہا کہ اس گانے کو سنیں اور شیئر کریں۔

One more classic by Sajjad Ali ji
Simple but deep poetry n Fabulous Vox

"Zindagi mein fir hasa nai” (2:48 to 3:05)
Brilliant line

Pls listen n Share https://t.co/0FsIMFcp5X https://t.co/0FsIMFcp5X

— Yo Yo Honey Singh (@asliyoyo) April 23, 2018

جس پر سجاد علی نے بھی یو یو سے محبت کا اظہار کرتے ہوئے بتایا کہ یہ لائن ان کی بھی پسندیدہ ہے۔

My favourite line too 🙂 love to you, YO YO ! https://t.co/M07oRaoYI4

— Sajjad Ali (@sajjad_official) April 24, 2018

پاکستان اور بھارت کے درمیان حکومتی سطح پر تناؤ کے باوجود دونوں ممالک کے فنکار ایک دوسرے کے کام کو سراہتے ہیں اور محبت بھرے پیغامات کا تبادلہ کرتے رہتے ہیں۔

واضح رہے کہ سجاد علی کے اس گانے کی ویڈیو کی ہدایات ان کی صاحبزادی زو علی نے دی ہیں۔

ویڈیو میں نوعمری میں پروان چڑھنے والے جذبات کو دکھایا گیا ہے، جہاں ایک فریق دوسرے کی دوستی اور ہر بات شیئر کرنے کے انداز کو محبت سمجھ بیٹھتا ہے اور پھر اسے دل ٹوٹنے کا صدمہ سہنا پڑتا ہے۔