صوفیہ حیات کی بگڑی طبیعت،کہا-میرے جسم کے اعضا دھیرے دھیرے ۔۔

رپورٹ کے مطابق صوفیہ حیات کا ماننا ہے کہ میری صحت بہت زیادہ بگڑ گئی ہے جس کی وجہ سے مجھے ایک بار موت کا احساس ہونے لگا ہے۔

بالی ووڈ سوپر اسٹار سلمان خان کے مشہور شو بگ باس سیزن 7 کی سابق کھلاڑی صوفیہ حیات کو لے کر بڑی خبر سامنے آرہی ہے۔ رپورٹ کے مطابق صوفیہ حیات ان دنوں خراب صحت کی وجہ سے پریشان ہیں۔ اس وجہ سے صوفیہ حیات کو ہاسپٹل میں داخل کرایا گیا ہے۔ اپنے ہیلتھ کو لے کر خود صوفیہ حیات نے اپ ڈیٹ دی ہے۔

صوفیہ حیات یوں تو طویل عرصے سے فلمی دنیا سے دور ہیں، لیکن اکثر ان کا نام کسی نہ کسی وجہ سے سرخیوں میں رہتا ہے۔ ذرائع کے مطابق، صوفیہ حیات نے کہا ہے کہ اچانک صحت خراب ہونے کی وجہ سے انہیں چیلسی اور ویسٹ منسٹر اسپتال میں بھرتی کرایا گیا ہے۔ میں بے ہوش ہو کر زمین پر گئی گئی تھی۔ میرا حال فی الحال ٹھیک نہیں ہے۔ میری کچھ میڈیکل جانچ کرائی گئی ہیں، لیکن مجھے ایسا لگتا ہے کہ ہرنیا کا مسئلہ ہوگیا ہے، جس کے لئے اگلے ہفتہ میں ہرنیا اسپیشلسٹ کو دکھاوں گی۔ یہ میرے ساتھ ہوسکتا ہے کیونکہ زیادہ یوگا کرنے کی وجہ سے یہ پریشانی مجھے ہوسکتی ہے۔ اس دوران میں خود کو آرام پہنچا رہی ہوں اور بڑے ہی محتاط طریقے سے وقت گزار رہی ہوں۔ زیادہ ورزش کی وجہ سے مجھے اس مسئلہ کا سامنا کرنا پڑ رہا ہے۔