بیٹی سارہ علی خان کے ساتھ جب ابا سیف علی خان نے فلم کرنے سے کردیا انکار، جانئے وجہ

دراصل سارہ علی خان کی پہلی فلم ‘کیدارناتھ’ کو ملنے والے زبردست رسپانس کے بعد سیف علی خان نے بیٹی سے فلم ‘جوانی جان من’ نہ کرنے کو کہا۔ وہ چاہتے تھے کہ بیٹی سشانت سنگھ راجپوت، رنویر سنگھ اور ورون دھون جیسے اداکاراوں کے ساتھ مرکزی اداکارہ کے طور پر کام کریں۔

سارہ علی خان Sara Ali Khan اب تک کئی فلموں میں اپنی شاندار اداکاری کے جوہر دکھا کر اپنی صلاحیتوں کا لوہا منوا چکی ہیں۔ اداکارہ کی سالگرہ پر ہم ان کی زندگی سے جڑی کچھ خاص باتیں بتاتے ہیں۔

سارہ علی خان کی دادی، والدین سبھی فلمی دنیا کے مشہور ستارے ہیں۔ کولمبیا یونیورسٹی سے گریجویشن کرنے کے بعد سارہ نے فلموں میں اپنا کیریئر بنانے کا فیصلہ کیا۔

سارہ علی خان بھلے ہی نوابی خاندان کی بیٹی ہو، لیکن ان کی ماں امریتا سنگھ نے انہیں پالا ہے۔ انہیں اپنی ماں سے نہ صرف خوبصورتی ملی ہے بلکہ شہرت بھی ملی ہے۔

سارہ علی خان بالکل اپنی والدہ امریتا سنگھ جیسی نظر آتی ہیں۔ مداحوں کو سارہ علی کا شرارتی انداز پسند ہے۔ اپنی پہلی ہی فلم سے ایک الگ پہچان چھوڑنے والی سارہ نے ‘سمبا’، ‘اترنگی رے’، ‘کولی نمبر 1’ جیسی فلموں میں کام کیا ہے۔

سارہ علی خان کی زبردست فین فالوونگ ہے۔ ان کی شاندار اداکاری اور سادہ طبیعت کی وجہ سے زیادہ تر فلم ڈائریکٹر ان کے ساتھ کام کرنا چاہتے ہیں۔ سارہ کی ہر فلم کو شائقین نے پسند کیا ہے۔ اگر پاپا سیف علی خان مان گئے ہوتے تو سارہ بھی فلم ’جوانی جان من‘ کا حصہ ہوتیں۔