عامر خان نے بیٹے جنید کے بالی ووڈ ڈیبیو کو لے کر کیا یہ بڑا ہی دلچسپ انکشاف

اسکرپٹ رائٹر اتل کلکرنی اور پروڈیوسر ہیرانی اس بات پر متجسس تھے کہ عامر خان کو ‘لال سنگھ چڈھا’ کرنا چاہیے اور یہیں ہوا۔ یہ فلم 11 اگست کو ریلیز ہو رہی ہے اور باکس آفس پر اس کا مقابلہ اکشے کمار کی فلم ‘رکشا بندھن’ سے ہونے والا ہے۔

عامر خان (Amir Khan) نے انتظار طلب فلم ‘لال سنگھ چڈھا'(Laal Singh Chaddha) کے بارے میں دلچسپ انکشاف کیا ہے۔ ادویت چندن نے اس فلم کو ڈائریکٹ کیا ہے اور یہ ہالی ووڈ سوپر اسٹار ٹام ہینکس کی سوپرہٹ فلم ‘فاریسٹ گم’ کا ہندی ریمیک ہے۔ حال ہی میں، ایک پروموشن کے دوران، عامر نے انکشاف کیا کہ ان کے بیٹے جنید خان نے بھی ایک ٹیسٹ ویڈیو شوٹ کیا تھا اور ‘لال سنگھ چڈھا’ کے ٹائٹل رول کے لیے آڈیشن دیا تھا۔

عامر کے بیٹے جنید نے امریکن اکیڈمی آف ڈرامیٹک آرٹس لاس اینجلس سے تعلیم حاصل کی ہے۔ اپنے بیٹے کی تعریف کرتے ہوئے عامر نے یہ بھی کہا کہ وہ ‘لال سنگھ چڈھا’ کے کردار کے لیے بالکل پرفیکٹ ہیں۔ عامر اور جنید دونوں نے فلم کے لیے ایک ٹیسٹ ویڈیو شوٹ کیا تھا۔

عامر نے کہا کہ جیسے ہی میں نے ٹیسٹ کی ویڈیو دیکھی تو میں چونک گیا۔ میں نے سوچا کہ میرا چانس گیا۔ یہی وہ معصومیت تھی جسے ہم لال کے لیے ڈھونڈ رہے تھے اور مجھے اسے پانے کے لیے بہت محنت کرنی پڑی۔ میرے پاس اب وہ معصومیت نہیں رہی اور اس نے یہ بہت فطری انداز میں کیا۔

عامر نے مزید کہا، "جنید آوٹ اسٹینڈنگ تھا اور مجھے محسوس ہوا کہ اس حصے کے لیے وہ صحیح شخص ہے۔آپ کو بتادیں کہ اپنے بیٹے جنید کی ایکٹنگ سے عامر اتنے متاثر ہوئے کہ انہوں نے ان کے ٹسٹ کلپ کو 100 سے زیادہ لوگوں کو دکھا دیا۔ اس میں راجکمار ہیرانی، کرن جوہر اور آدتیہ چوپڑا بھی شامل ہیں۔