کرکٹر دیپک چاہر نے محبت کے شہر آگرہ میں کی جیا بھاردواج سے شادی، وائرل ہوئی تصاویر

ایک رپورٹ کے مطابق دیپک چاہر اور جیا بھاردواج کی شادی کا لباس مشہور ڈیزائنر منیش ملہوترا نے ڈیزائن کیا ہے۔ اس سے قبل دیپک اور جیا کے انداز کو سنگیت کی تقریب میں بھی خوب پسند کیا گیا تھا۔ اس کے بعد بھی کئی ویڈیوز سوشل میڈیا پر وائرل ہوئیں، جن میں دونوں ایک دوسرے کے ساتھ ڈانس کرتے نظر آئے۔

ٹیم انڈیا کے اسٹار تیز گیند باز دیپک چاہر بدھ کو اپنی منگیتر جیا بھردواج کے ساتھ شادی کے بندھن میں بندھ گئے۔ دیپک اور جیا نے آگرہ شہر میں 7 چکر لگائے، جسے محبت کا شہر کہا جاتا ہے۔ ان کے کزن نے دیپک اور جیا کی شادی کی ایک خوبصورت تصویر شیئر کی ہے۔

بدھ کی صبح آگرہ کے رہنے والے تیز گیند باز دیپک چاہر کے گھر ہلدی کی تقریب ہوئی اور تقریباً 8 بجے دیپک بارات لیکر اپنے گھر سے نکلے

دیپک اور جیا آگرہ کے ایک فائیو اسٹار ہوٹل میں شادی کے بندھن میں بندھ گئے۔ اس دوران دیپک نے کریم رنگ کی شیروانی اور راجستھانی صافہ پہن رکھا تھا۔