برج خلیفہ کو دیکھتے نظر آئے سلمان خان، دبئی سے شیئر کی خاص تصویریں

سلمان خان کے پاس کئی پروجیکٹس ہیں۔ سلمان ’ٹائیگر 3‘ میں کترینہ کیف کے مقابل نظر آئیں گے۔ اس فلم میں عمران ہاشمی بھی ہیں۔ یہی نہیں فلم میں شاہ رخ خان بھی کیمیو کرنے والے ہیں۔ اس کے علاوہ سلمان ’کبھی عید کبھی دیوالی‘، ’کک 2‘، ’دبنگ 4‘، ’بجرنگی بھائی جان‘ کے سیکوئل میں نظر آئیں گے۔

سلمان خان(Salman Khan) کا شمار بالی ووڈ کے مصروف ترین اداکاروں میں ہوتا ہے۔ ان دنوں بھی وہ اپنی فلموں کی شوٹنگ مکمل کرنے میں مصروف ہیں۔ حال ہی میں سلمان خان نے دہلی میں کترینہ کیف کے ساتھ ’ٹائیگر 3‘ کی شوٹنگ کی۔ اس کے بعد اب اداکار دبئی پہنچ گئے ہیں، جہاں سے سلمان خان ’دی بینگ دی ٹور – ری لوڈڈ‘ میں زبردست پرفارمنس دینے والے ہیں۔ اس شو میں سلمان خان کے ساتھ دیشا پٹانی، سوناکشی سنہا اور پوجا ہیگڑے جیسی کئی اداکارائیں نظر آئیں گی۔ سلمان خان نے شو میں پرفارمنس سے قبل سوشل میڈیا پر کچھ تصاویر شیئر کی ہیں جن میں وہ برج خلیفہ کو دیکھتے ہوئے نظر آ رہے ہیں۔

دراصل سلمان خان نے یہ تصاویر اپنے آفیشل انسٹاگرام اکاؤنٹ پر شیئر کی ہیں۔ ان تصاویر میں سلمان اپنے کمرے کی بالکونی میں کھڑے نظر آرہے ہیں اور ان کے پس منظر میں برج خلیفہ صاف نظر آرہا ہے۔ پہلی تصویر میں سلمان کی پیٹھ برج خلیفہ کی طرف ہے اور وہ کیمرے کی دوسری طرف دیکھ رہے ہیں۔ اس کے ساتھ ہی دوسری تصویر میں سلمان خان کی پشت نظر آ رہی ہے۔ اس تصویر میں وہ سامنے کے خوبصورت منظر کو دیکھ رہے ہیں جس میں برج خلیفہ بھی شامل ہے۔

ان تصاویر کے ساتھ سلمان خان نے کیپشن کے ذریعے بتایا ہے کہ وہ آج شو میں پرفارم کرنے جا رہے ہیں۔ سلمان کی اس پوسٹ کو دیکھ کر مداح کافی خوش ہو گئے ہیں۔ بہت سے مداحوں نے سلمان خان کی پوسٹ پر ہارٹ ایموٹیکن شیئر کیا ہے۔ تو کچھ مداحوں نے آگ کے جذباتی نشان بھیجے ہیں۔