برجو مہاراج نے بتایا تھا کہ وہ کبھی بھی فلموں میں کام نہیں کرنا چاہتے تھے۔ لیکن جب ہندی سنیما کے معروف فلمساز ستیہ جیت رے نے ’شطرنج کے کھلاڑی‘کے لیے پیشکش کی تو انھوں نے سب سے پہلے یہ وعدہ لیا تھا کہ ان کے کام میں کوئی چھیڑ چھاڑ نہیں کی جائے گی۔
پنڈت برجو مہاراج (Pandit Birju Mahraj) ایک مشہور ہندوستانی کتھک ڈانسر اور بالی ووڈ کے کوریوگرافر تھے۔ 4 فروری 1937 کو پیدا ہونے والے برجو نہ صرف رقص میں ماہر تھے، ان کی انگلیاں سرود اور وائلن پر بھی کمال کرتی تھیں۔ 500 ٹھمری جاننے والے برجو مہاراج نے اس عمر میں تعلیم دینا شروع کر دیا تھا جس عمر میں لوگ سیکھتے ہیں۔ بیندادین گھرانے سے تعلق رکھنے والے برجو نے اس سال 17 جنوری کو دنیا کو الوداع کہا تھا۔ 2022 کے آغاز میں ہارٹ اٹیک نے ہم سے ایک ایسا ستارہ چھین لیا جس کی تلافی مشکل سے ہو سکتی ہے۔ آج وہ ہوتے تو اپنی 85ویں سالگرہ منا رہے ہوتے۔
اچچھن مہاراج کے بیٹے اور شمبھو مہاراج کے بھتیجے پنڈت برجو مہاراج نے ایک بار اپنے نام کے بارے میں بڑا دلچسپ انکشاف کیا تھا۔ میڈیا کو دیے گئے ایک انٹرویو میں انہوں نے بتایا تھا کہ جب میں لکھنؤ کے ایک اسپتال میں پیدا ہوا تو میرے علاوہ تمام لڑکیاں اسپتال میں پیدا ہوئیں۔ میں گوپیوں میں برج موہن ہوں اور مجھے برجو کہا جانے لگا۔‘