ٹائیگر شروف سے بے انتہا مشابہت رکھنے والا شخص منظر عام پر

کہتے ہیں اس دنیا میں ایک ہی شکل کے سات انسان ہوتے ہیں اب اس بات میں کس حد تک صداقت ہے یہ تو رب ہی جانے لیکن کبھی کبھی ہمارے سامنے ایسے ہم شکل آجاتے ہیں جنہیں دیکھ کر واقعی پہچاننا تک مشکل ہوجاتا ہے۔

آج ہم آپ کو بولی وڈ سپر اسٹار ٹائیگر شروف کے ایسے ہم شکل سے ملانے جارہے ہیں جس کی بے انتہاء مشابہت نے اسے سوشل میڈیا اسٹار بنا دیا ہے۔

اس شخص کا نام ڈیوڈ سہارا ہے جس کا کہنا ہے میری ٹائیگر شروف سے بے انتہاء مشابہت کی وجہ سے اکثر لوگ دھوکا کھا جاتے ہیں اور ٹائیگر شروف ہی سمجھنے لگتے ہیں۔ یہ آسام کا رہائشی ہے۔

اس شخص کا مزید کہنا ہے کہ مجھے جب لوگ ٹائیگر شروف کہتے ہیں تو مجھے برا لگتا ہے۔ اس کی خواہش کے کہ وہ اپنے نام سے پہچانا جائے۔ ڈیوڈ کا کہنا ہے کہ جب لوگ میری تصاویر کو پسند کرتے ہیں تو مجھے اچھا لگتا ہے۔